Jab Bhi Mujhko Yaad Karoge

Jab bhi mujhko yaad karoge mein aaunga
Shirdi ki Samadhi mein mere praan base hain

Tyaag shareer chala jaunga, tere khatir mein aaunga
Jo bhi Shirdi mein ayega, mein aapda dur karuga
Dekh bula kar hum to tere dil mein base hain
Shirdi ki Samadhi mein mere praan base hain

Mujhe sada jeevit hi jaano, anubhav karo sach pehchano
Mein teri poori aas karuga shradha bhaav se mujhko maano
Tere mann mandir mein bande hum to base hain
Shirdi ki Samadhi mein mere praan base hain

Bhaar tumhara mujh per hoga, nahin vachan mera jhoota hoga
Aa sahayta le bharpur, jo maanga wo tera hoga
Mere paas anant koti bhandhar bhare hain
Shirdi ki Samadhi mein mere praan base hain

Jaisa bhaav raha jis jann ka, waisa roop hua mere mann ka
Dhanya dhanya wo bhakt ananya jo pyasa hai meri sharan ka
Kar arpit tu meri dhun mein , din ye bache hain
Shirdi ki Samadhi mein mere praan base hain

Jab bhi mujhko yaad karoge mein aaunga
Shirdi ki Samadhi mein mere praan base hain