Jan 062011
 

 

Kshudra ka Mahattva

Chhoti chhoti jal ki boondein sagar ko bhar deti hai

balu ki raj nanhi nanhi sudhar bhoomi rach deti hai

kshan kshan kaal iqattha hokar lamba yug ban jaata hai

kshan ko kshudra na samjho bhai yeh jag ka nirmaata hai

Chhoti chhoti bankar bhoole humko bura banati hai

neej sudhaar ke path se humko koson door hatati hai

daya bhare laghu kaam hamare aur prem mai meethe bol

kar dete apne jeevan ko sukhmai sundar ati anmol

 

Koshish karne walon ki haar nahin hoti

Lahron se darkar nauka paar nahin hoti

Koshish karne wale ki haar nahin hoti

Nanhi cheenti jab daana lekar chalti hai

chadhti deewaron par saur baar phisalti hai

man ka vishwas ragon mein saahas bharta hai

chadhkar girna girkar chadhna naa akadta hai

aakhir uski mehnat beqaar nahin hoti

koshish karne wale ki haar nahin hoti

Dubkiyaan Sindhu mein gotakhor lagata hai

jaa jaa kar khaali haath lautkar aata hai

milte nahin sehej hi moti gehre paani mein

badhaa doonga utsaah isi hairani mein

mutthi uski khaali har baar nahin hoti

koshish karne wale ki haar nahin hoti

Asafalta ek chunauti hai ise sweekar karo

kya kami reh gayee dekho aur sudhaar karo

jab tak na safal ho neend chain ko tyaago tum

sangharsh ka maidaan chodkar mut bhaago tum

kuch kiye bina hi jay jaykaar nahin hoti

koshish karne wale ki haar nahin hoti

 

Print Friendly, PDF & Email
Be Sociable, Share!

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)