Apr 082009
 

Shree Hanuman Chalisa 

Shri Guru charan saroj raj, Nij mane mukure sudhar
Varnao Raghuvar vimal jasu, Jo dayaku phal char
Budhi hin tanu janike, Sumirau pavan kumar
Bal budhi vidya dehu mohe, Harahu kalesa vikar

Jai Hanuman gyan gun sagar, Jai Kapis tihun lok ujagar
Ram doot atulit bal dhama, Anjani-putra pavan sut nama
Mahavir vikram bajrangi, Kumati nivar sumati Ke sangi
Kanchan varan viraj subesa, Kanan kundal kunchit kesa
Hath vajra aur dhuvaje viraje, Kandhe moonj janehu sajai
Sankar suvan kesri nandan, Tej pratap maha jag vandan
Vidyavan guni ati chatur, Ram kaj karibe ko aatur
Prabu charitra sunibe ko rasiya, Ram Lakhan Sita man Basiya

Sukshma roop dhari siyahi dikhava, Vikat roop dhari lanka jarava
Bhima roop dhari asur sanghare, Ramachandra ke kaj sanvare
Laye Sanjivan Lakhan jiyaye, Shri Raghuvir harashi ur laye
Raghupati kinhi bahut badai, Tum mam priye Bharat-hi sam bhai
Sahas badan tumharo yash gaave, Us kahi Shripati kanth lagaave
Sankadik brahmadi muneesa, Narad Sarad sahit aheesa
Yam Kuber Digpal jahan te, Kavi kovid kahi sake kahan te
Tum upkar Sugreevahin keenha, Ram milaye rajpad deenha

Tumharo mantra Vibheeshan mana, Lankeshwar bhaye sub jag jana
Yug sahastra jojan par bhanu, Leelyo tahi madhur phal janu
Prabhu mudrika meli mukh mahee, Jaladhi langhi gaye achraj nahee
Durgaam kaj jagat ke jete, Sugam anugraha tumhre tete
Ram dware tum rakhvare, Hoat na agya binu paisare
Sub sukh lahai tumhari sarna, Tum rakshak kahu ko dar na
Aapan tej samharo aapai, Teenhon lok hank te kanpai
Bhoot pisach nikat nahin aavai, Mahavir jab naam sunavai

Nase rog harai sab peera, Japat nirantar Hanumant beera
Sankat se Hanuman chudavai, Man karam vachan dyan jo lavai
Sub par Ram tapasvee raja, Tin ke kaj sakal tum saja
Aur manorath jo koi lavai, Sohi amit jeevan phal pavai
Charon yug partap tumhara, Hai persidh jagat ujiyara
Sadhu sant ke tum rakhware, Asur nikandan Ram dulhare
Ashta sidhi nav nidhi ke dhata, Us var deen Janki mata
Ram rasayan tumhare pasa, Sada raho Raghupati ke dasa

Tumhare bhajan Ram ko pavai, Janam janam ke dukh bisravai
Anth kaal Raghuvir pur jayee, Jahan janam Hari-bakht kahayee
Aur Devta chit na dharehi, Hanumanth se hi sarve sukh karehi
Sankat kate mite sab peera, Jo sumirai Hanumat Balbeera
Jai Jai Jai Hanuman Gosahin, Kripa karahu Gurudev ki nyahin
Jo sat bar path kare kohi, Chutehi bandhi maha sukh hohi
Jo yah padhe Hanuman Chalisa, Hoye siddhi sakhi gaureesa
Tulsidas sada hari chera, Keejai das hrdaye mein dera

Pavantnai sankat haran, Mangal murti roop.
Ram Lakhan Sita sahit, Hrdaye basahu sur bhoop.

!! श्री हनुमान चालीसा !!

 

श्रीगुरु चरण सरोज रज, निज मनु मुकुरु सुधारि ।
वरनऊँ रघुवर विमल जसु, जो दायकु फल चारि ॥
बुद्धिहीन तनु जानिके, सुमिरो पवन कुमार ।
बल बुद्धि विद्या देहु मोहिं, हरहु कलेश विकार ॥

जय हनुमान ज्ञान गुन सागर । जय कपीस तिहुँ लोक उजागर ॥
राम दूत अतुलित बल धामा । अंजनिपुत्र पवन सुत नामा ॥
महावीर बिक्रम बजरंगी । कुमति निवार सुमिति के संगी ॥
कंचन वरन विराज सुवेसा । कानन कुंडल कुंचित केसा ॥
हाथ बज्र औ ध्वजा विराजै । काँधे मूँज जनेऊ साजै ॥
शंकर सुवन केसरीनंदन । तेज प्रताप महा जग बंदन ॥
विद्यावान गुनी अति चातुर । राम काज करिबे को आतुर ॥
प्रभु चरित्र सुनिबे को रसिया । राम लखन सीता मन बसिया ॥

सूक्ष्म रूप धरि सियहि देखावा । बिकट रूप धरि लंक जरावा ॥
भीम रूप धरि असुर सँहारे । रामचंन्द्र के काज सँवारे ॥
लाय सजीवन लखन जियाये । श्री रघुबीर हरषि उर लाये ॥
रघुपति कीन्ही बहुत बड़ाई । तुम मम प्रिय भरत सम भाई ॥
सहस बदन तुम्हरो जस गावैं । अस कहि श्रीपति कंठ लगावैं ॥
सनकादिक ब्रह्मादि मुनीसा । नारद सारद सहित अहीसा ॥
जम कुबेर दिगपाल जहाँ ते । कबि कोबिद कहि सके कहाँ ते ॥
तुम उपकार सुग्रीवहिं कीन्हा । राम मिलाय राज पद दीन्हा ॥

तुम्हरो मंत्र विभीषन माना । लंकेश्वर भये सब जग जाना ॥
जुग सहस्त्र जोजन पर भानू । लील्यो ताहि मधुर फल जानू ॥
प्रभु मुद्रिका मेलि मुख माहीं । जलधि लाँघि गये अचरज नाहीं ॥
दु्र्गम काज जगत के जेते । सुगम अनुग्रह तुम्हरे तेते ॥
राम दुआरे तुम रखवारे । होत न आज्ञा बिनु पैसारे ॥
सब सुख लहैं तुम्हारी सरना । तुम रच्छक काहू को डर ना ॥
आपन तेज सम्हारो आपै । तीनों लोक हाँक तें काँपै ॥
भूत पिसाच निकट नहिं आवै । महावीर जब नाम सुनावैं ॥

नासै रोग हरै सब पीरा । जपत निरंतर हनुमत बीरा ॥
संकट तें हनुमान छुड़ावै । मन क्रम वचन ध्यान जो लावै ॥
सब पर राम तपस्वीं राजा । तिन के काज सकल तुम साजा ॥
और मनोरथ जो कोइ लावै । तासु अमित जीवन फल पावै ॥
चारों जुग परताप तुम्हारा । है परसिद्ध जगत उजियारा ॥
साधु संत के तुम रखबारे । असुर निकंदन राम दुलारे ॥
अष्ट सिद्धि नौ निधि के दाता । अस बर दीन जानकी माता ॥
राम रसायन तुम्हरे पासा । सदा रहो रघुपति के दासा ॥

तुम्हरे भजन राम को पावै । जनम जनम के दुख बिसरावै ॥
अंत काल रघुबर पुर जाई । जहाँ जन्म हरि भक्त कहाई ॥
और देवता चित्त न धरई । हनुमत सेइ सर्ब सुख करई ॥
संकट कटै मिटै सब पीरा । जो सुमिरैं हनुमत बलबीरा ॥
जै जै जै हनुमान गोसाईं । कृपा करहु गुरू देव की नाईं ॥
जो शत बार पाठ कर कोई । छूटे बंदि महा सुख होई ॥
जो यह पढै हनुमान चलीसा । होय सिद्धि साखी गौरीसा ॥
तुलसीदास सदा हरि चेरा । कीजै नाथ हृदय मँह डेरा ॥

पवनतनय संकट हरन, मंगल मूरति रुप ।
राम लखन सीता सहित, हृदय बसहु सुर भूप ॥

श्री राम जय राम जय जय राम ।

Print Friendly, PDF & Email
Be Sociable, Share!

  One Response to “Shree Hanuman Chalisa”

  1. hanuman chalisa

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)